Carang canthel.
Tegese :ora
diajak guneman nanging melu-melu ngrembug.
Car-cor kaya kurang janganan.
Tegese :ngomong
ceplas-ceplos tanpa dipikir disik.
Cathok gawel.
Tegese :seneng
cawe-cawe mesthi ora diajak guneman.
Cebol nggayuh lintang.
Tegese :duwe
kekarepan kang mokal bakal kelakon.
Cecak nguntal empyak.
Tegese :gegayuhan
kang ora imbang karo kekuatane.
Cedhak celeng boloten.
Tegese :cedhak
karo wong ala bakal ala.
Cedhak kebo gupak.
Tegese : cedhak
karo won gala bakal katot ala.
Cangkir ketindihan kiring.
Tegese :nedya
omah-omah kepeksa durung bisa, merga sedulur tuwane durung omah-omah.
Cikal atopas limar.
Tegese :tekane
kebegjan kang mokal.
Cincing-cincing meksa klebus.
Tegese :karepe
ngirit nanging malah entek akeh.
Ciri wanci lelai ginawa mati.
Tegese :pakulinan
ala kang ora bisa ilang nganti mati.
Crah agawe bubrah, rukun agawe santosa.
Tegese :padudon
njalari ringkih, rukun njalari kuat.
Criwis cawis.
Tegese :sugih
omong nanging mrantasi dhewe.
Cuplak andheng-andheng, ora pernah
panggonane bakal disingkirake.
Tegese :wong
kang njalari ala becike disingkirake.
sumber: kawruh sapala basa,Endang Dwi Lestari
0 Komentar untuk "Crah Agawe Bubrah Rukun Agawe sentosa"