Watak lan Gunaning Tembang

Oleh jawadinata

Minggu, 17 Januari 2016

Bagikan :

Tweet

Menawa  ngraras tembang kang pamavcane di lagoake, ing sajroning ati bakal thukul rasa warna-warna. Tuwuhing rasa tumrap tembang siji lan sijine ora padha. Ana kang nuwuhake rasa sedih, rasa bungah, trenyuh. Rasa kang tuwuh iku nemtoake wataking tembang kang di lagoake, mulane yen ngarang tembang isi lan rasane kudu cocog. Watak lan gunaning tembang ana ing ngisor iki.

1. Pocung

Watake duwe surasa sakpenake, sembrana parikena. Gunane kaya ta kanggo sembranan, cangkriman, crita lucu lan nyenengake.

2. Maskumambang

Watake susah, nelangsa, prihati. Upamane susahing anak kang di tinggal mati wong tuwane, wong kang uripe tansah rekasa. Gunane kanggo medharake rasa susah.

3. Mijil

Watake gandrung utawa prihatin. Prihatine wong kang lagi gandrung. Dudu gandrunge priya marang wanita, nanging gandrung marang ngelmu, pangkat, kaluhuran. Gunanekanggo medharake pitutur marang wong kang lagi nandhang prihatin. Tembang mijil sok kanggo mbawani gendhing yaiku mijil sekarsih.

4. Kinanthi

Watake ngemu surasa pangarep-arep, gandrung kang seneng, nanging sakepenake. Gunane kanggo medhar piwulang utawa pituduh, seneng-seneng nglelipur. Tembang kinanthi kena uga kanggo mbawani gendhing contone kinanthi sekargadhung.

5. Durma

Watake galak, sereng, muntab. Gunane kanggo nyritakake wong kang nesu lan kahanan perang.

6. Asmarandana

Watake sengsem, susah utawa prihatin amarga ketaman asmara, tresna asih lan sedhih. Pantes kanggo nelakake rasa branta, tresna asih, lan crita katresnanliyane.

7. Pangkur

Watake sereng, antepan ati, lan gagah. Gunane kanggo medhrake rasa kagol, mangkelake, pitutur kang di sebabake rasa mangkel. Sok-sok kagunakake kanggo bebuka.

8. Sinom

Watake prasaja, sabar, kalem, grapyak lan sumanak. Lumrahe kanggo nelakake crita kang nemu piwulang lan pitutur. Uga kagunakake kanggo medarake rasa susah yaiku sinom logondang.

9. Dhandhanggula

Watake luwesan, kewes sarwa mathuk. Gunane kanggo bebuka, sesorah, panutuping crita, medhar rasa susah yaiku cengkok tlutur. Dhandhanggula bis kanggo mbawani gendhing , upama dhandhanggula banjet, turulare.

10. Megatruh

Watake susah, getun, ketekkan pangarep-arep. Upamane wong kang kepaten anake, keduwung marang tumindak. Gunane kanggo medharake rasa sedhih.

11. Gambuh

Watake grapyak sumanak. Guanane kanggo memulang utawa pitutur.

Tag : materi